اخبار الزمالك اليوم

مرتضى منصور عن لجان التفتيش التابعة لوزارة الرياضة”: مكنش وقته و ورقنا كله سليم”

يرى المستشار مرتضى منصور رئيس نادي الزمالك أن قرار وزارة الشباب والرياضية بإرسال لجان التفتيش المالى التابعة لها لكافة الأندية في الوقت الحالي هو قرار غير موفق خاصة في ظل عدم تعافى الأندية من الأضرار المالية التي لحقت بها نتيجة توقف النشاط بسبب فيروس كورونا المستجد.

وقال “مرتضى” : ” يا سيادة الوزير كان الأندية مقفوله 4 أو5 شهور توقيت لجان التفتيش غلط أنا معنديش غلط دانا متبرع للنادي وكل الأوراق سليمة”.

وأشار :”يعني الأندية طالعه من أزمة وفي الإنعاش تيجي تشيل عنه الأكسجين يا سيادة الوزير كان ممكن تأجل لجان تفتيش، وعندك 17 مليون عجز في اللجنة الأوليمبية كان ممكن تدور عليهم”

وأضاف “مرتضى” في تصريحات لبرنامج “زملكاوي” على قناة “الزمالك” :”كان لازم كل الأندية تمنحها تبرعات مثلا أسوان تعطيه 10 مليون، الأهلي 20 والإسماعيلي وأندية كتير المقاصة بيتباع وهو كان أغنى نادي في مصر”.

وتابع:”كان لازم تعاون الأندية مش تجي تقولهم صرفتوا ده في ايه كل الأندية طالعه متعورة طب انا عندي وفر وبعرف اطلع الجنية، وانا بكلم بصفة عامة مش لما الزمالك والأهلي بياخدوا بطولة مش مصر بتفرح”.

وأتم:” بتاخدوا اللعيبة المنتخبات مين بيدفع مرتباتهم الأندية، وأنا لأعيبة اليد والسلة والطائره مبقوش ياخدوا زي زمان لا بياخدوا بالـ 3 والـ 4 مليون زي فرق القدم في الزمالك والأهلي”

 

 

الوسوم
إغلاق