اخبار الزمالك اليوم

مرتضى منصور يفجر مفاجاة من العيار الثقيل بخصوص الشرط الجزائي لكارتيرون مع الزمالك

فجر المستشار مرتضى منصور رئيس نادى الزمالك مفاجأة حول الشرط الجزائى فى عقد الفرنسي باتريس كارتيرون المدير الفنى السابق لنادى الزمالك، مشيرًا إلى كارتيرون لم يدفع الشرط الجزائي الخاص به.

وقال “مرتضى” :” كارتيرون مدفعش الشرط الجزائي، إلى الآن ومكنش ينفع اكتفه، وده هروب وخيانة من كارتيرون، وكانت كل طلباته كانت مجابة”

وتساءل رئيس نادى الزمالك : ” ينفع مدرب كداب زى ده يشتغل فى بلد اللى طلع منها الإسلام والبلد اللى فيها الحرمين، ودور على قطر وتميم وانا جالى رسالة من قطر

وعن إمكانية عودة فييرا للزمالك أوضح” وارد رجوعه مرة اخرى معندناش مشكلة وهو قعد قبل كده مع أحمد وأمير وكان عندة مشكلة صحية لكن هنشوف امكانية التعاقد معه واللجنة المشكلة مش بتنام”

وأضاف في تصريحات لبرنامج “على مسئوليتى” على قناة “صدى البلد” مع الإعلامي “أحمد موسى” ” كنت اتوقع ان فيه مسؤلين سعودين يقولوا لرئيس النادى السعودى عيب اللى بيحصل ده اننا نخسر 50 مليون مصرى، والعلاقات بين الدول المحترمة لا تدار بهذا الشكل، واحنا علاقتنا بالسعودية ممتازة جدا”

وتابع:” رئيس نادى التعاون ده قبل كده طلب مصطفى فتحي احرف لاعبي فى الزمالك وطلعناه إعارة ليهم، وكنت اتمنى من رئيس النادى يوافق انه يسيب كارتيرون شهر نخلص بطولة أفريقيا”

وواصل:” اللى حصل ده معناه ان المقصود انك تخرب نادى الزمالك وده مينفعش، وانا عملت اكبر مبنى اجتماعي باسم مسؤول سعودي باسم تركي آل شيخ، وانا بسأل لو رفعت سماعة التليفون وطلبت منى التعاقد مع كارتيرون كنت هقلة موافق بس يخلص بطولة أفريقيا”

وأكمل:” كارتيرون وضح لجميع انه مدرب خاين وكداب، واللى وصل كدة لكارتيرون، ونادى الزمالك كبير مش مركز شباب، ولو راح قعد مثلا قعد اسبوع والتعاقد ماشى لكن ده تعاقد الصبح”

 

الوسوم
إغلاق